CHAPTER 68
Nilapitan ko siya.
Nakaupo lang siyang nakamasid sa akin.
Hindi siya kagaya nang huli niyang dalaw na giliw na giliw at nag-uumapaw ang pagkasabik niya sa akin. Ako man ay parang nabhihiya sa aking sarili. Alam ko kasing may mali akong ginawa. May mali sa aking nararamdaman. Hindi siya tumayo nang nasa harapan na niya ako. Hindi niya ako niyakap. Umupo ako sa harap niya.
Tinitigan ko ang mukha niyang parang sinuntok. May black eye siya, basag ang ilong at bibig.
“Anong ginagawa mo rito at napano ka?” maalumanay kong tanong.
“Sinuntok ni Daddy. Binugbog ako ni Daddy sa tuwing gusto kong tumakas para puntahan ka. Lalo niya akong hinigpitan pagkatapos nang nangyari noong araignment. Hindi nya nagustuhan yung ginawa kong pagtatanggol at paglapit sa’yo.”
“I’m sorry. Hindi ko
