Hinintay ni Noemi na dumating si Ethan pagkatapos ay saka ito nagpaalam at sumakay ng tricycle. Niyaya siya ni Ethan na ihahatid na namin pero tumanggi ito.
Bumulong ito sa akin na mukhang mainit daw ang ulo ni Ethan kaya hindi na siya sasabay.
Pagpasok sa loob ng sasakyan ay seryoso ang mukha nito na diretsong nakatingin sa harap ng sasakyan.
“Love, may problema ba?”
Lumingon siya saglit sa akin at muling dumiretso ng tingin. “Bakit hindi mo sinabi na lalabas ka pala? Ang dami kong text at tawag pero hindi mo sinasagot.” He is totally pissed off.
“Sorry, hindi ko kase namalayan ang oras at nalibang kami ni Noemi. Nagpasama lang siya sa'kin kase masama raw ang loob niya,” paliwanag ko.
“You don't have any idea how worried I am. Kung sinu-sino na ang tinawagan ko para malaman ko kung
