Maaga akong nagpunta sa hospital, plano ko na rin magpa-check up dahil madalas sumasakit ang ulo ko. Nasobrahan yata ako sa alak o sa puyat nitong mga nakaraang linggo.
Ayoko naman basta uminom na lang ng gamot dahil sinisikmura ako. Ewan ko ba, mula nang uminom ako ng gamot na reseta ko sa sarili ko at naging dahilan ng dalawang araw ko sa hospital ay nagka-trauma na ako sa mga gamot. Graduation namin noon sa highschool at dahil nag-celebrate ay napadami ang inom namin. Mula noon ay tinitiis ko na lang ang sakit 'wag lang uminom ng gamot.
Nagpa-appointment muna ako sa doctor bago sumilip sa ward ni Tita Florie. Naabutan ko si Tita Choleng na naglalagay ng mga damit sa bag habang si Tita Florie naman ay tulog na tulog pa rin. Si Ethan naman daw ay lumabas para mag-withdraw ng cash.
Gus
