“JULIAN, how could you not say anything to me?”
Hindi ako nag-abalang lingunin ang aking ina na basta na lang pumasok sa aking silid. Nagpatuloy ako sa pag-empake ng mga damit ni Jordan.
Tumayo siya sa gilid ng kama kung saan ako nakadukwang paharap sa kanya. I looked at her then.
“Iyon ang napagkasunduan namin ni Kayla sa harap ng abogado. Wala akong ipagkakait na karapatan sa kanya pagdating sa anak namin.”
“At basta ka na lang nagdesisyon nang hindi ipinapaalam sa akin? At pumayag kang manatili ang apo ko sa kung saang probinsiya kasama ang babaeng iyon?”
“Mom.” Nangasim ang aking sikmura sa kanyang tono. “You probably need to learn to call her by her name now because I plan to include her in my son’s life.”
