TAHIMIK kaming dalawa habang kumakain. Habang ako'y palihim siyang sinusulyapan. Nahuhuli ko siyang nakatingin minsan sa gawi nina Veronica. Umiigting ang kanyang panga at nanlilisik ang kanyang mga mata. Marahil ay para iyon kay Jherome. Saglit kong sinulyapan sila Veronica. Masaya silang nagku-kwentuhan at parehong may ngiti sa kanilang mga labi.
"B-Babe..." Mariin akong pumikit. Lihim kong sinaway ang aking sarili dahil sa pagkakautal ko.
"Wha-what?" gulat na tanong ni Lyndon. Dumilat ako at alanganing ngumiti sa kanya.
Tumikhim ako. "Try mo 'to, babe," ani ko at mas nilakasan ko pa ang boses ko. Inilapit ko sa bibig niya ang kutsara na naglalaman ng spinach. Kita ko sa gilid ng aking mga mata sina Veronica at Jherome. Saglit silang huminto sa pagku-kwentuhn nila at tumingin sa ami
