KALMADO na si Soffie. Kasalukuyan na silang nakaupo sa loob ng sasakyan at parehong tahimik. Humihikbi pa rin siya ngunit tanggap niya na ang lahat. Tinakwil siya ng walang kwenta niyang ina at itinakas nito ang kaniyang mga kapatid. Kinamumuhian niya ito. Nabuo ang galit sa kaniyang puso dahil sa kawalanghiyaan nito. Hindi niya ito mapapatawad sa oras na muling makita. Kahit sa kabilang buhay pa man ito. “Can we go home now?” ang kalmadong tinig ni Nick ang bumasag ng katahimikan sa pagitan nila. Nakaharap ito sa kaniya at handa na magmaneho pauwi.
Tumango siya at humarap dito. “Yes.” Malalim siyang bumuntong hininga at pinunasan ang huling luha sa kaniyang mga mata.
Kaagad namang binuhay ni Nick ang sasakyan at nagmaneho paalis. “Do you want anything to eat?”
Umiling siya. “Wala ak
