PINAGMASDAN ni Nick ang hawak na papel na siyang ibinigay sa kaniya ng tauhan na si Luke. Ang mga papel ay naglalaman ng litrato at ilang mga bagay na galing sa pagsasaliksik ng tauhan. “So, there’s really no Soffie involved with Paolo?” tanong niya. Ang laman ng mga larawan ay si Paolo Henderson at ang nobya nitong foreigner. Mukhang masayang-masaya ang mga ito, at ayon sa nabasa niyang nakasulat sa report ni Luke ay mayroon nang balak na pagpapakasal ang dalawa. “And Soffie Santameta had never been rumored with some guys?”
Tumango si Luke. “Yes, Mr. Alvarez. Ipinagtanong na namin sa lahat ng taong nakakikilala sa kaniya. Walang naging nobyo si Soffie dahil sa mabibigat na trabahong pinasukan nito para lamang maiangat ang pamilya. Sa edad na labing-anim ay nagtrabaho na itong kasambahay.
