LUMABAS si Soffie ng silid suot ang damit na laman ng paper bag na iniabot ng kasambahay kanina lamang. Isang jeans lamang iyon at simpleng kulay itim na blouse. Ikinatuwa niya ito, dahil ganito talaga ang kaniyang pananamit. Tila ibinase ng kung sino man ang ibinigay na damit sa kaniya sa kaniyang porma kahapon lamang. Nang makapaligo ay gumaan ang kaniyang pakiramdam, ngunit masama pa rin ang kaniyang loob tungkol sa mga nangyari kahapon lamang. Halos hindi niya nga malaman ngayon kung paano makikitungo sa lalaking iyon at kung ano na ang mangyayari sa kaniya sa susunod. Nagawa nga nitong saktan siya nang isang beses, maari nito iyong ulitin. At natatakot na siya sa maaring susunod na gawin nito sa kaniya. Malalim siyang bumuntong hininga at naglakad pababa. Pagkatapos niya kasing kumain
