NAKALIMUTAN na ni Nick na tawagan ang tauhan na si Luke. Masiyadong naging abala ang kaniyang araw kasama si Soffie. Nais niyang kalimutan muna kahit papaano ang ilang problemang dapat isipin. Naiinis lamang siya kapag naalala ang ilang transakyon na sinabutahe ng kaniyang mga kalaban na hanggang ngayon ay hindi niya pa nakikilala. Pagbalik niya sa Maynila ay sandamakmak na trabaho nanaman ang kaniyang haharapin. Malalim siyang bumuntong hininga at pinagmasdan ang kayakap na si Soffie. Mahimbing itong natutulog sa kaniyang tabi at sa kanilang kasalukuyang posisyon ay tila hindi nais magbitaw. Napakahigpit ng yakap nito sa kaniya dahil sa malamig na temperatura. Pinatay niya na ang aircon ngunit talagang napakalamig pa rin.
Hindi niya batid ang dahilan kung bakit, ngunit napapangiti siya
