MAKALIPAS ang isang buwan…
Pinatay na ni Ruth ang shower. Hubo’t hubad siyang lumabas ng CR at naglakad patungo sa kama. Doon niya kinuha ang puting tuwalya at tinuyo ang kanyang buhok at katawan. Iginala niya ang kanyang mata sa napakaganda niyang silid-tulugan at napangiti.
Humarap siya sa isang malaking salamin kung saan siya nag-aayos ng kanyang sarili. Sa pamamagitan ng hair dryer ay tinuyo niya ang kanyang mahabang buhok. Dahil sa perang meron siya ngayon ay mabilis siyang nakapagpagawa ng artipisyal na kamay at pati ang buhok niya ay napatubo niya agad. Naglagay din siya ng make-up upang mas lalong mapatingkad ang kanyang kagandahan. Ang sunod na ginawa niya ay nagtungo siya sa kanya walk-in closet na punung-puno ng magaganda niyang damit at sapatos. Isang black gown na may malali
