“OH my, God! Anong ginagawa mo sa ganitong klaseng lugar, Chynna?!” turan ng mommy ni Chynna nang puntahan na siya nito sa bahay ni Koring.
Sa labas na lang niya ito hinarap dahil siguradong magtatanong pa ito kapag nakita nito ang bangkay ni Tomas. Bahagya na ring tumila ang ulan. “Lets go, mommy,” sabi niya sabay hila sa ina.
Pumasok agad siya sa dala nitong kotse. Mabuti na lang talaga at nandito na ang mommy niya. Hindi na niya kailangang manatili pa sa bahay ni Koring. Napilitan lang naman talaga siya kanina dahil wala na siyang pagpipilian kundi ang makisilong doon. Wala naman kasi siyang kakilala sa lugar na ito.
Ngunit hindi niya napigilan ang sarili na sulyapan ang kubong kanyang pinanggalingan. Nakita niya na nasa bungad ng pinto si Koring at parang hinahatid siya ng tanaw. Wa
