PAGKAALIS nilang tatlo ay muli akong pumasok sa kuwarto ni Zach at nahiga sa kama. Parang hangover pa rin ako dahil sa ininom ko, talagang matapang nga ang wine na ibinigay sa akin ng bartender na 'yun kagabi.
"Inaantok ka pa?" tanong sa akin ni Clark at naupo sa gilid ng kama kung saan ako nakahiga.
"Hindi naman, gusto ko lang mahiga muna dahil parang kumikirot pa ang ulo ko. Nga pala alam na ba ni daddy ang tungkol sa pagtakas ko kagabi?" Oo nga pala si dad, I'm sure nag-alala na 'yun sa akin.
"Hindi pa niya alam, tumawag siya kanina at tinatanong kung anong oras ang uwe mo sa school. Buti na lang naging kasabwat ko pa si Nanay Pena na 'wag ipaalam sa dad mo ang tungkol sa pagtakas mo kagabi."
Parang nakahinga naman ako ng maluwang. "Salamat naman kung ganoon, akala ko nalaman na n
