NAPAPAHIKAB akong lumabas ng kuwarto. Pababa pa lang ako ng hagdan ay tanaw na tanaw ko na ang mga bodyguards kong nakaupo sa sofa. Nakabihis na sila ng kanilang black suit uniform, tila ako na lang yata ang hinihintay. Pero si Clark at Terrence lang, wala si Andro.
Hindi ko naman mapigilan ang hindi magtaka. Nasaan na ang isang 'yun?
"Where's Andro?" tanong ko nang makalapit.
"Naghihintay na sa kotse," sagot ni Terrence at agad na kumunot ang noo nang makita ang suot ko. "Bakit hindi ka pa nakabihis ng uniform? Hindi ka ba papasok?"
Tumango ako at naupo sa kabilang sofa. "Nag-text kasi sa 'kin si Gwen kanina, suspended daw kami ni Darlin nang one week dahil sa nangyari kahapon na hindi namin pagsulpot sa punishment namin."
Nang mapatingin ako kay Clark ay ibinaba na nito ang hawak
