Jheanne's Pov
Dahil sa dami ng trabaho na tinutukan ko, at idagdag pa ang magkasunod na pagpunta nina Hugo at Janna sa opisina ko ay nawalan na ako ng gana mananghalian. Pati ang project ko sa Iloilo ay kinansela ko na muna. Binigay ko muna iyon sa iba kong kasamahan. Napag-isip-isip ko kasi na walang makakasama si Ubi sa condo kapag umalis ako, kaya kinansel ko muna ang trabahong iyon.
Kung hindi pa nga ako pinilit nina Albie at Zsa na kumain muna sa labas ay siguro nasa opisina pa rin ako ngayon at nagtatrabaho pa rin.
Sa isang Korean Restaurant kami ngayon at kasalukuyang kumakain. Habang abala ako sa kinakain ko ay abala naman silang dalawa sa pagkukuwentuhan about sa mga nobyo nila. Si Zsa kasi ay may nobyo rin na engineer pero sa kabilang company naman iyon. Ayon kay Zsa ay hindi
