Jheanne's Pov
Matapos ang isang linggo na bakasyon ay bumalik na ako sa aking trabaho sa Affinity Manpower, habang si Ubi ay iniwan ko lang sa condo. Sinabi ko sa kaniya na kung gusto niyang lumabas at mamasyal ay kumuha lang siya ng pera na iniwan ko para sa kaniya sa drawer o gamitin niya lang ang credit card ko. Tumango lang naman siya kanina. Natatawa pa nga ako dahil siya itong naglalaba ng mga marurumi naming damit na dapat ay si Manang Lita ang gumagawa. Mabuburyo lang naman daw siya dahil maghapon siyang mag-isa sa condo kaya siya na lang daw ang gagawa ng gawaing bahay at huwag na lang daw papuntahin si Manang Lita. Ang cute niya. Hindi ko mapigilan na mapangiti habang naglalakad ako papasok ng building.
Siguro kong si Ubi ang magiging asawa ko ang suwerte ko siguro sa kaniya.
