CAMILLA
Nakalabas na ang mag-ama nang hindi nila nalalaman na narito rin ako sa loob ng library at nagtatago sa ilalim ng mesa. Nanginginig at nanghihina ang buong katawan ko at halos walang lakas ang mga paa na gumapang at dahan-dahan na tumayo. Pakiramdam ko nanlalambot ako matapos kong matuklasan ang lahat.
Kahit hirap, dahan-dahan na lumapit ako sa pintuan at matapos masiguro na walang ibang tao sa paligid ay naglakad ako ng walang direksyon hanggang sa natagpuan ko ang wine bar ni Jared.
Litong-lito ako, hindi ko alam kung ano ang gagawin ko, naguguluhan ako at pakiramdam ko ay lahat ng nangyari sa buhay ko ay kontrolado at plano ni Jared.
Mabilis na inabot ko ang bote ng alak at nagsalin ng hindi tinitingnan kung anong uri ng alcohol ba ang nadampot ko. Agad na nilagok ko ang l
