CAMILLA
"What are you thinking, sweetheart?" tanong ni Jared mula sa likuran ko.
Nakasanayan ko na siyang tawagin sa pangalan niya dahil masyadong pormal kung lagi ko siyang tatawaging Mr. Laxamana. Hindi naman niya hiningi sa akin pero pinilit kong sanayin ang sarili ko dahil ang awkward lang lagi ang sitwasyon namin tuwing mag-uusap kaming dalawa.
"Are you okay? Gusto mo bang matulog saglit at magpahinga muna?" tanong nito pero umiling ako.
Mabigat pa rin kasi ang loob ko kaya siguro simula kanina ay nagmumukmok lang ako. Naabutan ako ni Jared ngayon dito sa veranda na nakataas ang binti at naka-tiklop ang tuhod habang yakap ko.
"I'm bored," iyon lang ang sagot ko dahil ayaw kong kulitin niya ako.
"Gusto mo bang magbakasyon kapag okay na ang pakiramdam mo?" tanong agad nito.
"Va
