Na-tense si Angel. Malaki ang espasyo sa pagitan nila pero aware na aware pa rin siya sa nearness nito. Nanunuot sa ilong niya ang mabangong amoy nito – amoy na kapareho ng sa kaniya kasi iisa sila ng ginamit na bodywash at shampoo. The fact that they have the same scent feels so… intimate.
Sinulyapan niya ang mukha nito. Nakapikit na si Jack at nakaunan ang ulo sa mga braso. Lower half lang ng katawan ang tinakpan nito ng comforter. Nanuyo ang mga labi niya at paulit-ulit siyang huminga ng malalim. Natutulog na ito? Ganoon na lang?
“Bakit mo ‘ko tinulungan?” mahinang bulong ni Angel, nakatitig pa rin sa nakapikit na lalaki. Walang inaasahang sagot.
But then he suddenly said, “I told you, your eyes were telling me to save you.”
