DINALA si Angel ng estranghero sa isang malaking bahay, sa loob ng isang exclusive subdivision sa bandang Makati. Electronic ang gate. May pinindot lang itong kung ano sa keychain na hawak ay kusa na ‘yong bumukas. Inihinto nito sa garahe ang kotse, sa hilera ng iba pang magagarang sasakyan na naka-park doon. Bumaba sila ng sasakyan at hindi nag-uusap na pinagtulungan nilang ilabas ang mga gamit niya.
“Let’s go inside,” tipid lang na sabi ng lalaki. Sumunod siya rito.
Electronic rin kahit ang lock ng front door. May passcode na kailangan pindutin sa mga numero at saka ‘yon bumukas. At nang pumasok sila sa loob, may pinindot lang itong touch pad sa may pader bumukas na ang mga ilaw sa buong kabahayan. Open space ang style ng bahay. Kapag tumi
