Malalim pa rin ang aking iniisip sa aking panaginip, kahit na sinabihan na ako ni Galen na kalimutan na lang ang mga bagay na iyon. Dahil hindi-hindi raw mangyayari na saktan niya ako dahil kapag ginawa niya siya rin ay masasaktan.
“Ano ba kasi ang iniisip mo, Sheryl?” tanong ng aking isipan. Narito ako sa sala nakaupo sa condo unit ni Galen. Off ako sa hospital kaya dito muna ako sa kanyang unit. Wala ang aking asawa dahil may importante itong meeting na dinaluhan. Kaya mag-isa lamang ako ngayon at hindi ko maiwasang isipin ang mga nangyari sa akin.
Nais ko sanang kalimutan ang mga pangyayari ngunit tila hindi ko magawang gawin ito. Hindi maiiwasan ang magtaka kung bakit sa tuwing nag-iisa ako ay sumasagi naman sa isip ko ang panaginip na ‘yun, pumapasok ang mga kaganapan sa ak
