Sheryl POV
“Ate Sheryl,” sambit ni Sofie nang makita akong bumababa ng hagdan kasama ang asawa kong si Galen. Mula nang nagising ako kanina, hindi ko nakitaan na ngumiti ang lalaking ito, kundi nakasimangot lamang at blanko ang tingin kapag nagpapatingin ang mga mata nito sa akin. Para bang may malaki akong kasalanan na nagawa.
Nang tuluyan akong nakababa ng hagdan, isang mahigpit na yakap ang sumalubong sa akin ni Sofie. Ramdam ko sobrang namiss ako nito.
“Ate, namiss kitang sobra,” saad nito habang yakap-yakap ako sa aking leeg. Napapangiti naman ako sa ginawa nito.
“Sofie," masayang tugon ko at ginantihan ko rin ang yakap nito. Tatlong buwan kong hindi nakita ang babae.
Akala ko panaginip lang na may tinulungan ako babae na nanganak, ‘yun pala talaga totoo, may tinulungan ako at
