“Don’t flatter me,” mabilis na wika ni Aica sa sinabi sa kanya ng binata.
“I don’t flatter you. I’m not that kind of person.”
“Right,” nasabi na lang niya at naalala ang lahat ng panghihiya nito sa kanya noon. Imbes na masaktan ay napangiti na lang siya.
Napatingin siyang muli sa mga bituin sa kalangitan at napaisip sa kanyang mga mahal sa buhay na yumao na. Napatanong siya sa kanyang isip kung masaya ba ang mga ito sa kabilang buhay at kung napatawad na nga ba siya ng mga magulang sa kabila ng pagiging suwail niyang anak.
Kumukuti-kutitap nang magiliw ang mga bituin. Tila positibo ang sagot ng mga ito sa katanungan niya na siyang nagpapagaan sa loob niya.
Marahan siyang nagbitiw ng hangin mula sa kanyang baga. Hinayaan muna siya ng binata habang nag-iisip. Tila nakuha nito na kailan
