❀⊱Trisha's POV⊰❀
Ilang araw na naming napapansin ni Charmaine na laging nagpapaikot-ikot ang malaking speed boat ng kabilang isla dito sa may harapan ng dagat. Wala naman silang ginagawa, panay lang ang kaway nila sa amin, pagkatapos ay naririnig namin silang nagtatawanan at masayang nag-iinuman sa kanilang speed boat. Hindi naman sa nanghuhusga ako kaya hindi ko sila pinapansin, pero hindi namin sila kilala at isa pa, mahirap ng magtiwala sa mga taong hindi namin kakilala.
Naghahanda kami ngayon, kahapon ay namili kami ng maraming manok na buhay, lulutuin namin siya ngayon dahil sa isang espesyal na okasyon. Kagabi ay nagluto kami ni Charmaine ng suman, tawa kami ng tawa dahil wala kaming alam kung paano 'yon lutuin. Ang ginawa lang kasi namin ay nag-search kami ng nasa bayan kami. Th
