┈┈┈┈◦•✩•◦┈┈┈┈
Makikita sa mukha ni Emboy ang matinding kasabikan sa kanyang ama. Nakatayo lamang ito, nangingislap ang mga mata at titig na titig ito kay Mayson.
Si Trisha ay hindi nakakilos, nagulat siya sa malakas na pagtawag ni Emboy ng 'tatay' kay Mayson. Hindi niya ito inaaasahaan, wala sa isip niya na maririnig niya si Emboy na tatawaging 'tatay' ang lalaking kinamumuhian niya. Hindi siya makapagsalita at kahit naisin niyang magsalita ay walang lumalabas na kahit na anong salita sa kanyang bibig. Hindi niya alam kung dapat ba niyang hayaan si Emboy o iuuwi na lamang niya ito. Pero wala siyang ginagawa, nakatayo lang siya at nakamasid sa nangyayari.
Si Mayson naman ay tahimik lang, nakatitig kay Emboy na parang hindi niya malaman kung ano ang kanyang gagawin. Kung si Trisha ay na
