Nang sumunod na araw ay gan'on pa din ang ginawa ni Choleen maaga siyang nagising para maaga din matapos ang gagawin niya. Hangga't maaari ay ayaw niyang mapahiya kay Archer.
Alas nwebe ng umaga ng makaramdam siya ng gutom. Gusto sana niyang umuwi muna sa kubo nila pero iniisip niya baka nandoon pa si Archer kaya pinagtyagaan na lamang niya ulit ang dala niyang tinapay at tubig. Wala pang sampong minuto ay may narinig na siyang kumakatok. Nagmadali naman siyang buksan ang pinto at laking gulat niya ng tumambad sa kaniyang harapan si Archer na may dalang pagkain.
"Se-Senyorito a-ano po ang ginagawa niyo dito? Maalikabok pa po baka madumihan ang damit niyo." nauutal niyang aniya sa amo.
"Nabalitaan kong hindi ka kumain ng maayos kahapon habang naglilinis dito. Ito dinalhan kita ng pagkai
