Nakabalik kami ng Manila ni Marco na mabigat ang loob ko. Mas lalo lamang akong binigyan ng rason ni Archer para pagsisihan na ni-challenge ko siya kung pipigilan ba niya akong bumalik dito sa Manila o hindi. Masyado akong naging kampante sa kilos ko. Ayan tuloy. Bakit ba kasi hindi ako nakinig kay madam? Ang akala ko madali lang sa akin ito. Nagkamali ako.
Habang naglalaro si Marco ng mga toys niya sa sala ay naisipan kong lumabas ng kwarto at lapitan siya. Nag-indian sit ako sa harapan niya habang busy siyang nilalaro ang airplane niyang laruan.
“Marki,” tawag ko sa kapatid ko. Tumingin lamang siya sa akin ng panandalian at pagkatapos ay nagtuloy sa kanyang nilalaro. “Pwede bang malaman ni mama yung boys talk niyo ni daddy?” maayos at mahinahon kong tanong. Umuling ang bata habang na
