Nagdesisyon akong hintayin silang dalawa sa kanilang pag-uwi dito sa bahay. Nakangiti akong lumabas ng kwarto at umupo sa sala habang tulala sa kawalan. Kung may makakakita man sa akin ngayon ay siguradong iisipin nilang nababaliw ako.
Lumipas ang fifteen minutes nang marinig ko ang engine ng sasakyan sa harapan ng bahay. Napatayo ako agad at lumakad palabas ng bahay. Sakto namang inaalalayan ni Archer sa paglabas si Marco sa kabilang pinto ng kotse. Magkahawak-kamay silang lumapit sa akin.
“Mama!” magiliw na sambit ni Marco sa akin. Patakbo itong lumapit sa akin at saka ko siya kinarga.
“Marki, good boy ba ikaw sa pag-alis niyo ni daddy?” malambing kong tanong sa kapatid ko. Archer cleared his throat all of a sudden kaya napatingin ako sa kanya.
“May plema yata ako,” aniya at umiwas p
