Halos fifteen minutes rin ang itinagal nang lumingon si Troy sa gawi ko habang naroon pa rin siya sa may bonfire kasama sina Archer at Josh. Nagsimula itong lumakad pabalik dito sa mesa namin.
“Bakit nag-iisa ka diyan? Ayos ka lang ba?” tanong ni Troy nang maupo siya sa upuan niya. Kumuha siya ng beer sa bucket at uminom.
“Ayos lang ako, Troy,” sambit ko habang nakatitig pa rin kay hambog. “Gaano mo na katagal kakilala si Archer?” pag-iiba ko.
“You have no idea,” nakangiting sambit niya at tumingin na rin sa gawi ni Archer na ngayon ay humiwalay na kay blondie. Nakikipaghalubilo pa rin siya doon sa mga kausap nilang mga turista kasama si Josh.
“Mukhang matagal na talaga kayong magkaibigan,” wika ko.
“Simula noong bata pa lang kami magkaibigan na kami ni Archer. Alam ko na ang bituka n
