***
Pasado alas onse na rin nang makauwi si Avah sa bahay nina Cindy. Pagkababa niya ng kotse, mga alulong na lang ng aso sa kapitbahay ang sumalubong sa kaniya. Mabuti nga at matigas ang mukha ni Kuya Brian at hindi siya pinakinggan. May pinaghintay itong sasakyan na para lang daw sa kaniya. Sino ba siya para tumanggi? Nakakatakot kayang bumiyahe desioras nang gabi.
Pero, sa lahat naman ng PA, siya lang yata 'yong may personal driver. Kaunti na lang talaga, bibigay na siya sa lalaking 'yon. Ang kaso, hindi puwede. She won't let that happen.
Hindi naman siya kaladkaring babae.
Pagkapasok ni Avah sa loob, tumatakbo pa rin sa isipan niya ang pinag-usapan nila ni Hannah. Wala siyang ibang mapagpipilian. Kahit hindi niya gusto, kailangan niya itong tulungan alang-alang sa grupo nila. Ayaw
