***
Mabigat man ang lahat para kay Avah, pinilit niyang makapasok sa Glamour. Mas mababaliw siya kung magmumukmok lang siya sa bahay nina Cindy. Pinakiusapan niya si Simon kagabi kung puwedeng makita 'yong katawan na natagpuan, pero hindi raw puwede. Hindi raw maganda ang kinahantungan nito. Nasisiguro ng kababata na kahit siya, hindi 'yon makikilala. Babalitaan na lang daw siya nito sakaling lumabas na ang resulta.
Nag-commute siya papasok dahil ayaw na niyang sumakay sa kotseng ipinapadala ni Kuya Brian. Ayaw na rin niyang problemahin pa ito. Pagkatapos ng pagtatraydor na ginawa nito sa kaniya, hindi na niya para pagtuunan pa ito ng pansin. Bahala na ito kung gusto siya nitong pabantayan sa mga tauhan nito. Wala na siyang pakialam.
Habang naglalakad si Avah sa sidewalk, napapalingon s
