Pagkagaling sa hospital ay agad kong tinungo ang kinalakihan kong bahay.
"Teka, Kape...sure ka ba sa binabalak mo?" kabadong tanong sakin ni Angie habang natatanaw namin ang gate ng bahay na pakay namin.
" Letse sila! Naospital ang Mommy ko dahil sa babaeng iyon kaya humanda siya sa akin!" galit na galit kong sabi.
"Naku naman Kape! Baka mapatay mo! Ang bata-bata mo pang maghimas ng rehas!"
Tiningnan ko siya ng masama.
"Anong maghimas ng rehas iyang pinagsasabi mo? Di ko naman papatayin Angie, sisirain ko lang iyong mukha niya."
Isa pa itong babaeng ito eh! Mas pinagigigil ako sa napakaadvance niyang pag-iisip.
"Ah, okay," napangiwi niyang sabi habang ipinarada ang sasakyan sa mismong harap ng gate namin.
Di ko na siya hinintay at mabilis na pumasok sa gate dahil tulad nung dati ay
