"P-Paanong naging agila ka? I-I mean, how did you do that?" Hindi pa rin makapaniwala si Alison na nasa harapan niya ngayon ang binatang Alpha.
"Sa dami ng kakaibang natunghayan mo, nagugulat ka pa ba sa nakita mo?" Tanong ni Gael na may halong panunuya. Ang liwanag na hatid ng kumikinang na papak nito ay sapat na upang maaninag ng dalaga ang banayad na ngiti na nakaukit sa labi nito.
"Hindi ko alam kung kailan pa ako masasanay." Malumanay na pag-amin niya.
Katulad ng nakasanayan, sa tuwing nasa ganitong anyo si Gael ay natatagpuan na lamang niya ang sarili na manghang nakatitig dito.
Never mind those wings, his perfectly chiseled and scarred body is like a work of art! Pinipigilan niya ang sarili na hawiin ang magulo at kulay tansong buhok ng binata na bahagyan
