Isang malalim na hininga ang hinugot ni Alison bago tuluyang ipihit pabukas ang pintuan ng kanyang kwarto. Isang araw na naman na puno ng misteryo ang kanyang dapat kaharapin. Dagdag pa ngayon sa iniisip niya ang marka sa ilalim ng tenga ni Gael.
Ito nga kaya ang nagpapadala sa kanya ng impormasyon noon? Kung tama nga ang hinala niya, anong motibo nito?
Naputol ang kanyang pag-iisip nang marating niya ang hapag-kainan. Kumpleto na ang lahat at tila siya na lamang ang hinihintay. Nakita niya rin na nakaupo na ang binatang si Gael at ang isa pang Villaroman na kasama nito. Nang magtama ang kanilang mga mata ay isang ngiti ang gumuhit sa labi nito.
"Tinanghali ka yata, Alison? Nagpuyat ka ba?" Usisa ng kanyang ina nang siya'y makaupo na sa tabi nito.
"H-Hindi po." Nau
