"HINDI KA BA TALAGA SASAMA?"
Mula sa pagsamsam ko ng mga gamit sa ibabaw ng lamesa ko ay nag-angat ako ng tingin kay Kuya Rafael na kapapasok lang sa loob ng opisina ko.
Katulad ko ay nakabihis na rin ito. Siya, papunta ng BGC. At ako naman ay bibiyahe na, pabalik ng Milagros.
Katatapos lang ng meeting namin. Isang Pinoy at dalawang Chinese ang kausap namin. Magkakasosyo ang tatlo at balak na magtayo ng ilang malalaking malls sa iba't ibang panig ng Kamaynilaan. At kung magustuhan ng mga ito ang trabaho namin, nangako ang mga ito na kami na rin ang kukuning contractor para sa binabalak din ng mga itong itayo na mga townhouses na ipapakalat din sa iba't ibang lungsod ng Maynila.
Iyon ang problema na itinawag sa akin ni Kuya Rafael noong Huwebes.
Sa totoo lang ay hindi naman talaga iyon
