"FORMAL PARTY BA YUNG MAGAGANAP?"
Flat akong tiningnan ni Kael, pagkatapos ay nagkibit ng mga balikat.
Nakagat ko ang pang-ibaba kong labi.
Saka muling nagtanong. "Marami bang mga bisita?"
Kumibot-kibot ang mga labi nito at gumalaw ang naniningkit na mga mata. "Hmmm... more or less, mga fifty."
Naka-angat ang isang kilay na patagilid ako nitong nilingon nang marahil ay maramdaman ang paghugot ko ng malalim na paghinga. "Okay ka lang?"
Hindi ako sumagot. Sa halip ay...
"Eh, kung...." alanganin akong tumingala rito. "...huwag na lang kaya akong sumama?"
Sinimangutan ako ng lalaki.
Mula pa kaninang sinabi sa akin ni Kael na pupunta kami sa mansyon upang um-attend ng birthday ng kapatid nito ay hindi na ako mapakali.
Kinakabahan ako.
Ayon kasi rito ay magdadatingan ang mga kamag-ana
