NANG MAKABAWI AY huminga ako ng malalim at ipinagpatuloy ang pagsusuklay. Mula sa repleksyon ng salamin ay pasimple kong nasusulyapan si Kael na nakatingin sa akin, mula sa likod.
Hindi ko alam kung ano ang problema nito at nagkakaganito ito. Pero hindi pa rin ako natutuwa na maghapon akong parang tnga na nag-aalala sa kanya, iyon pala ay nandito lang siya sa bahay at tila nagkakampo sa loob ng silid niya.
"Rhia..."
Narinig kong tawag nito sa akin, makalipas ang ilang sandali.
Hindi ako kumilos sa kinauupuan ko. Patuloy pa rin ako sa pagsusuklay. Ang mga mata ko lang ang gumalaw at tumingin dito. Matapang kong sinalubong ang mga mata nito mula sa salamin.
Ilang sandali kaming nagtitigan doon. Nang hindi na ito magsalitang muli ay pairap na nagbawi ako ng tingin dito.
"What the--" til
