"ANO NGA ULIT, HIJO ANG PANGALAN MO?"
Nakakunot pa ang noo ni Papa habang nagtatanong.
"Kael po, 'Pa..."
Patagilid at pairap akong tiningnan ni Papa nang ako ang sumagot sa tanong nito. "Wala bang dila ang lalaking 'yan, Beatrice?" Kapagkuwan, ay masungit pa ring muling ibinalik kay Kael ang tingin. "Siya ang tinatanong ko."
Napalabi ako. At bumulong-bulong. "Sinasabi ko lang naman po."
Si Kael ay huminga ng malalim. Saglit na tumingin sa akin at muling tumingin sa papa ko.
Saka sumagot. "Kael po. Mikael Franz Da Silva po." Magalang nitong sabi.
Nanunulis naman ang mga labi ko habang pigil na pigil ang pagngiti. Parang ke bait-bait kasi nito.
Tumango-tango naman si Papa. Hindi pa rin ngumingiti.
Matapos namin mag-iyakang mag-ama kanina ay ipinakilala ko sa kanya si Kael. Ang balak
