MASUYO KONG HINAGOD ANG ULO NI Nickos bago kinintalan ng magaang na halik sa noo. Matamis pa akong napangiti habang pinagmamasdan ang payapa nitong anyo.
Mahimbing na itong natutulog.
Hinihintay sana nito na maka-akyat si Kael upang makapag-goodnight man lamang ito sa ama, ngunit sinabi ko na may mga bisita pa ito at sasabihin ko na lang na puntahan siya mamayang bago ito matulog. At nang dalawin na nga ito ng antok mula sa pagbabasa ko ng bedtime stories ay wala na itong nagawa kung hindi ang magpatangay roon. Nakita ko na lamang na nakapikit na ang mga mata nito.
Inayos ko ang pagkakabalot dito ng comforter saka binuksan ang mga night lamp sa magkabilang poste ng kama nito. Pinatay ko muna ang main lamp, bago maingat na tuluyan nang lumabas sa silid nito.
Habang patungo ako sa sarili
