"YOU'RE NICKOS' NANNY, RIGHT?"
Salubong kaagad na tanong sa akin ni Kira, paglabas ko ng CR. Inabutan ko itong nakatayo sa labas ng palikuran at mukhang talagang hinihintay ang paglabas ko.
Kinunutan ko ito ng noo. Saka alanganing tumango. Luminga-linga ako sa paligid. Kaming dalawa lang ang tao sa parteng ito ng mansyon.
Iniwan ko ang magkapatid na Da Silva sa lamesa namin nang makaramdam ako ng panunubig. Gusto nga sana ni Kael na samahan ako, tinanggihan ko na lang dahil baka mayroong makapansin sa amin, ay ano pa ang isipin.
Sinimangutan pa nga ako nito, hindi ko na lang pinansin.
Kung alam ko lang na susundan pala ako ng babaeng 'to, di sana, isinama ko na lang nga si Kael.
"O-opo."
Ngumiti ito at saka pumalatak. Dinala sa bibig ang kopitang hawak at sumimsim mula roon, habang
