"HI."
Dagling umunat ang likod ko at nag-angat ako ng tingin sa nagsalita. Bumungad sa akin ang nakangiting mukha ni Sir Rafael habang nakatunghay sa akin.
"Okay lang?" Tanong nito sabay turo sa bakanteng upuan sa tabi ko.
Hindi ko kaagad naapuhap ang aking tinig. Tipid lang akong ngumiti rito at nagkibit ng mga balikat. Ngumiti namang muli sa akin si Sir Rafael bago hinatak ang upuan at naupo na. May dala itong maliit na baso na sa tingin ko ay alak ang laman. Sumimsim muna ito ng kaunti roon bago inilapag sa ibabaw ng mesa.
Hayun na naman ang pamilyar na kabog ng dibdib ko. Kung mayroon mang isang tao sa selebrasyon na ito, na kung hanggat maaari ay ayokong maiwang mag-isa, masasabi kong si Sir Rafael iyon. Alam kong alam nito kung ano ang namamagitan sa amin ng kapatid niya.
At sa
