Ilang araw na ang lumipas at tuluyan nang naghilom ang sugat ni Abby. Komportable na siyang maglakad at nakapag trabaho na rin siya sa CASA. Sa loob ng ilang araw ay marami na palang nagbago sa hacienda, tulad nang balitang nagkabalikan na si ate Sasa at Sir Keanno Valderama.
Noong una ay nabigla siya ng malamang anak pala ng lalaki si Zeki , pero nang marealize niya na halos pinagbiyak na bunga ito ng ama ay naintindihan niya ang lahat. Kaya pala ilang beses niyang nakita si ate Sasa at Sir Kean na magkasama. Masaya siya para kay ate Sasa dahil naging maayos at naging buo uli ang pamilya nito. Hindi man niya alam ang buong pangyayari pero hindi na iyon importante dahil masaya na ito sa lalaking mahal na mahal ito.
Ngayon nga ay nakatanaw siya sa babae na pasakay sa chopper na nasa git
