***EYRNA***
Nagising siya nang alas-singko ng umagang iyon tulad ng kanya nang nakasanayan simula napadpad siya sa Baryo Bissang. Sunod-sunod na kasi ang pagtilaok ng mga alagang manok sa paligid.
“Darion?” hanap niya sa kanyang asawa nang hindi niya ito nakapa sa kanyang tabi. Nagtaka siya. Saan iyon nagpunta? Ni hindi pa sumisikat ang haring araw ay mukhang wala na sa kanilang kubol.
Bumagon siya’t umalis sa kanilang kawayang kama. At medyo naginhawaan siya nang makita niya sa kawayan ding lamesa ang kanyang usual na breakfast na nilagang kamote, native na pritong itlog, at barakong kape. Courtesy, of course, ng kanyang asawa.
Nakapagluto na pala si Darion pero bakit wala ito?
Biglang sumagi sa isip niya ang kawalan ng memorya ng asawa gawa ng amnesia. Hindi kaya habang nagluluto
