***EYRNA***
Nakabalik na agad si Eyrna sa ospital, at laking pasalamat niya nang malaman niyang nakalabas na at ligtas na ang kanyang kapatid sa operating room. Naratnan niyang inililipat na si Emmil sa isang kuwarto sa ward.
At gayon na lamang ang galit ni Jasmin nang malamang sinugod nga niya si Miss Erika.
“Sige nga, anong gagawin mo kung balikan ka ng baklang iyon? Alam mo na ngang halang ang kaluluwa niya, nagmatapang ka pa. Sinabi ko na nga kasing kumalma ka, eh.”
“Wala akong pakialam kung anong gagawin niya sa akin. Huwag lang niyang idinadamay si Emmil.” Hinaplos niya ang noo ng kapatid.
Pumanaywang si Jasmin. “Paano kung ipapakulong ka? Sige nga? Sinong kawawa? Hindi ba si Emmil?”
“Kayong dalawa ang kumalma. Parehas kayo. Hindi tama na ngayon pa kayo mag-aaaway at sa hara
