Chapter 8
Tatlong araw na matapos na maiburol ang ama ni Nathalia ay inilibing na iyon ngayon. May memorial plan naman pala iyon kaya wala na siyang ginastos. Mabuti na lang dahil saan naman siya kukuha ng pera? Binigyan naman ng isang magandang libing ni Don Ignacio ang Papa niya pero bakit pakiramdam niya ay kaplastikan lang ang lahat? Sa tuwing naglalakad kasi ang lalaking iyon ay parang hindi man lang nalagasan ng isang napakamatapat na tauhan.
Tahimik na ang Papa niya sa ilalim ng lupa, hindi na magkakasakit at hindi na magkakaroon ng problema. Dapat ba na maging masaya na siya para sa Papa niya? Kahit anong pilit ay hindi niya makaya. Parang gusto niya itong hukayin ulit sa lupa at bigyan ng buhay pero alam niyang hindi niya kaya at kahit kailan ay wala ng pag-asa.
Hawak pa rin ni
