Chapter 14
"Naka-alis na?" tanong ko kay Ari pag-balik niya galing sa paghatid sa nanay niya habang naka-upo sa couch at sinusuot ang converse shoes ko.
"Yup. And where are you going?" tinignan niya ako nang may pagtatakha dahil sa suot ko.
"Uuwi ako sa amin," tugon ko at tumayo. "Anong sabi ng Mommy mo?" tanong ko habang sinusuot ang bag sa likuran ko. Nagkibit-balikat naman ito at lumakad patungo sa telebisyon at binuksan.
"It's raining outside. Bukas ka nalang umuwi," sabi nito at umupo sa couch. As if.
Lumakad ako patungo sa bintana saka hinawi ang kurtina. Malakas nga ang buhos ng ulan pero hindi ako mapipigilan nito sa pag-uwi ko. Kahapon pa nga dapat ako umuwi kaso hindi pumayag si Ari dahil pinag-general cleaning niya ako ngayon.
"May sasakyan naman ako, kaya okay lang. Bye,"
