NANNY FOR THE BILLIONAIRE'S TWINS
Chapter 19
SA MANSION DIN ng mga Bancroft ang reception ng binyag ni Artillery at Bullet. Kompleto sa listahan ng mga ninong ang miyembro ng brotherhood na kinabibilangan ni Battalion. Pero ang mga ninang ay tatlo lang at isa si Olivia Orriental sa tatlo habang ang dalawa ay kanina lang nakita ni Aimie sa simbahan.
Kuryoso si Aimie na malaman kung ano ang koneksiyon no’ng dalawa pang ninang kay Battalion. Ngunit hindi naman niya kayang tanungin si Battalion dahil abala ito sa pag-istima ng mga bisita.
Ang malawak na lawn na palaging pinag-iisipan ni Aimie na tamnan ng talbos ng kamote ay nagmistulang lugar na nagdadaos ng hot air balloon festival na kagaya sa Albuquerque sa New Mexico. May mga miniature na hot air balloon na nakaangat na mayroong piton
