NANNY FOR THE BILLIONAIRE'S TWINS
Chapter 17
ESPESYAL ANG ALMUSAL sa mansion ng mga Bancroft sa araw na iyon. Alas siyete pa lamang ng umaga ay nasa hardin na ang lahat. Si Battalion, si Don Bill, ang Donya Agatha na walang ideya si Aimie kung anong oras dumating at siyempre si Artillery at Bullet. Pati na ang iba pang kasama sa bahay ng mga Bancroft.
“Tulungan ko na po kayo, Ate Linda. Ano pa po itong niluluto ninyo, Ate Linda?”
Nang bumaba si Aimie ay sa kusina siya dumerecho upang tumulong kay Rita at Linda na dalhin ang mga pagkain sa hardin. Si Battalion daw ang may kagustuhan na doon mag-almusal ang lahat.
Kung si Aimie ang tatanungin ay gusto sana niyang hindi na magpakita sa hardin. Hindi niya yata kayang makaharap ang Donya Agatha matapos nitong dalhin sa kanya ang mga baka
