Julianna
Hindi ko alam kung bakit may panginginig akong nararamdaman sa mga sandaling ito.
Dahil ba sa regalong ibibigay ko kay Jercie na hindi ko alam kung magugustuhan niya? O dahil sa takot na baka gumawa siya ng eksena ngayong kaarawan niya?
Napatingin ako sa kamay kong nakapatong sa may kandungan ko nang pumatong doon ang isang palad.
"Kanina ka pa mukhang ninenerbyos, Julianna," puna ni Aljon. "Are you okay?" malumanay pa nitong tanong.
"Okay naman." Pilit akong ngumiti, at kahit gusto kong bawiin ang kamay ko, hindi ko nagawa—lalo na noong hawakan niya iyon.
Hinayaan ko na lamang siya, at minabuting ituon ang paningin sa labas ng bintana ng sasakyan upang pagmasdan ang dinadaanan namin at ang papadilim nang kapaligiran.
Hindi rin ako nakaiwas sa pakiramdam na ang dumi-dumi ko
