Julianna
Naging aware ako sa bawat kilos na ginagawa ko rito sa loob ng mansiyon nitong mga nakalipas na araw—lalo na kapag magkasama kami ni Aljon at nasa paligid si Jercie. Although, rare occasion lang naman kung nagkakasama kami ni Aljon dahil hindi naman siya maghapong naglalagi rito.
Hindi naman na naulit pa iyong ginawa niyang pag-akbay at paghalik. Ni hindi na rin niya ako pinupuntahan sa silid ko sa tuwing umaga o kahit na anong oras pa, na siyang ipinagpapasalamat ko. Pero iyong pakikitungo niya sa akin ay ganoon pa rin. Hindi pa bumabalik ang kasamaan ng pag-uugali niya.
Hindi ako sigurado kung tototohanin ni Jercie iyong sinabi niya, pero hindi pa naman ako ganoon ka-tanga upang alamin kung gagawin nga niya.
Posibleng hindi dahil magkapatid sila. Ngunit iyong posibilidad na
