Julianna
Dinala ako ni Jeraine sa labas ng bahay—sa may garden—upang makalanghap ng sariwang hangin, na kailangan na kailangan ko sa mga sandaling ito dahil ramdam ko pa rin ang kamay ni Aljon sa may leeg ko.
Naiwan naman sa silid ni Aljon ang ama niya, at sa tingin ko ay kakausapin niya ito tungkol sa nasaksihan niyang ginawa nito sa akin.
Alam ko, na hindi na dapat ako sumagot o nagreklamo para hindi na ako nasaktan, subalit kung hindi ko iyon gagawin, sino ang gagawa para sa akin dito sa bahay na ito? Iyon ngang mga nauna niyang nakasama—na sa tingin ko ay pinagsilbihan siya nang maayos—ay nagawa pa rin niyang i-trato na parang wala lang. Ako pa bang ayaw naman talagang pumasok sa ganito? Kung hindi nagawang ipagtanggol ng iba ang mga sarili nila sa kanya, ibahin niya ako.
Laking pa
